FRÁ GRASI TIL MATVÆLAPAKKNINGA

Saga Coolity hófst árið 2017 þegar stofnandi fyrirtækisins, Anna María Pétursdóttir, hóf frumkvöðlaverkefni sitt á sviði sjálfbærra kælipakkninga.

Þetta hófst með spurningunni  „Af hverju erum við enn að flytja ferskan fisk í einnota umbúðum úr plastfrauði þegar fyrirtæki í sjávarútvegi hér á landi hafa markað sér stefnu í samfélagsábyrgð sem grundvallast á heimsmarkmiðum Sameinuðu þjóðanna um sjálfbæra þróun”.

Anna María  er íslenskur frumkvöðull með rætur bæði í listum og viðskiptum, og ástríðu fyrir sjálfbærri nýsköpun. Hún sótti innblástur í arfleifð fjölskyldu sinnar í náttúrulegum og hringrásartengdum iðnaði og ákvað að byggja upp meira en bara vöru – hún byggði upp hlutverk.

Háskólapróf Önnu Maríu í handverks- og listkennslu frá Háskóla Íslands og meistaragráðu í vinnusálfræði frá University of Hertfordshire og meistaragráðu í fjármálum frá Háskólanum á Bifröst hefur lagt grunn að nálgun hennar á verkefninu.

Á fyrstu árum Coolity leitaði Anna María eftir stuðningi vísindamanna hjá  rannsóknar- og vísindastofnunum og má þar nefna leiðandi rannsóknarstofnunina Fraunhofer Institute í Þýskalandi. Undanfarin ár hefur hún aðallega unnið með vísindamönnum hjá Danish Technological Institute sem leggur áherslu á að vinna að þróun tæknilausna að þörfum fyrirtækja. Meðal samstarfsmanna Önnu Maríu frá upphafi Coolity, er eiginmaður hennar, Dr. Arnar Bjarnason og síðar tók Dr. Sveinn Margeirsson þátt í þróunarferli Coolity. Einkaleyfisstofan Árnason Faktor sem sérhæfir sig í vernd hugverkaréttinda, hefur frá upphafi aðstoðað Coolity með að skrásetja einkaleyfi Coolity box.